Tongosongongi tuminombului..

Baa...umbalan kupod monulis do dusun do baino..hehe..

     Suang nopod bolog dot pouhupon kud baino nga,pasal kaka do tongosongongi.

    Pointoron tokou nopod hid kampung nga ahala tomod ot tongosongongi toi ko sagalai do kamang-kamang dot sumalakoi hid walai tokow.. Lobi-lobi pod masod totuong om osomok do kogoutanan ot walai tokow. Nasampat-sampatan kud mamagambar ot wookon diti sagalai do tongosongongi do tuminombului dod walai dahai...

Kolibambang

a) Iti nopo nga, gambar do Kolibambang. Osilow warana dau. Osilap tu aa okito ot wotik dilot talad dau. Alaid tomod okud momogusa diti kolibambang do manganu do gambar dau. Kododog yau'd oruhai, pasapatai kud mamagambar modosi kotulud  koimbagu. Nasip po tu nasampatan ..hehe..

Kolibambang nopod sagalai diti nga, ahala dot okito dati dot sontulud-tulud do mogontiring di bunga dii mongusak dot tusak dot ongoluluumis..
-----------------------------------------------------------------------------------------------------

Gontulak

b) Iti not ahala kopiod hid walai dahai.Gontulak..!.asanangan kopio ti gontulak diti dot hid tionon dit angatarang ieet sampasang-pasang ot lampung, toiko lampung dot lotirik. Hiri no gia ot kasanangan dit taakanon dau dot mooi apun. Hinapadan ot gontulak dot songinsokot dot hid louting do walai dahai. 

Karaja nopo ti gontulak nga tumayi noo..tayi dot miombolot dot oitom om opurak. Monotos nopoyo ti gontulak dot sumaap dit nunu-nunu nopo ie poimpasi do kanon dau nga, miwos-kiwos dot opuhod tomod ilot tikiu dau.
------------------------------------------------------------------------------------------------------

Sorung

c) Iti nopo nga sorung. Oitom warana dau. Kihulu dot angatarom ot gakod dau. Iti no kanto it asanangan dot momogomos dot tayi dii.. 
-----------------------------------------------------------------------------------------------------

Butu (naru rongus)

d) Iti nopo nga Butu.Talad dau, otomou ot warana. Atarom ngaalang ot rongus dau.Miagal di Butu dot pinomungaranan dot Tombuyungus. Gakod nogi dau nga anaru.Sodu simpod gia no dot anaru gakod eyo..:D.suai ko iri, haro ot tarom diti gakod dau diti.
-----------------------------------------------------------------------------------------------------

Butu (niba rongus)

e) Iti kadaau nga, pinomungaranan id butu, nga suai-suai ngaalang korongus-ronguso dau. Agayo nopo yau, toi ko molohing eyo nga ngaran nopo dau om Godu.Mumang suklat dii ot warana dilot talad dau.
------------------------------------------------------------------------------------------------------

Suai-suai warana do talad dau..haro garis dot otomou dit atarang..

Butu

 f) Iti nopo nga songkosuayo noo. Oseksi ot rasuk/talad dau..okito putungan do tinan..haha...
---------------------------------------------------------------------------------------------------

Haro miabal dot tontolu ot mimbulai hid pakou ditit butu..

g) Iti..nakagagang okud okuri dot nokokito..haro ot suai-suai hid pakou dau..kokitanan ku nopo nga miabal dit tontolu do mimbulai..tau nunu lo..panyakit tu ko nunu..
----------------------------------------------------------------------------------------------------

Kolibobog

h) Kolibobog. Oigitan nopoyo tit kolibobog nga,  haro ot abuk dii kiwarana dot ongokilat do kosokot hid palad tokou. Agaaayo ngalang tit kolibobog dot nagambarku..nga sian-sian ie gia tu, notipu ot iso gakod dau dot okito ku..nosingapan kanto do gontulak.
-----------------------------------------------------------------------------------------------------

Kolibobog

i) Iti kadaau nga sagalai id kolibobog, nga okoro-koro no ti. Wotik dot hid rongus dau nga suai-suai ngalang. Minooi sako dot hid ponusi kud piring.
-----------------------------------------------------------------------------------------------------

j) Amu oku koilo nunu ngaran ditit ginambar kud ti. Okilos tomod yau dot mamanau. Sigir-sigiron ku nopoyo dot okuri nga, monguni yau dot miabal dot araatan tomod doho. "Gungkasou ko" kadaud sorow...
-----------------------------------------------------------------------------------------------------

Kolibambang

k) Songkosuayo no moti oo tinan ditit sagalai do kolibambang diti yo hoi..haro ot miagal do banang dot opurak do pinalatan hid tanga do tinan dau.Nga olumis ie maa..:D
------------------------------------------------------------------------------------------------------

Aa ku koilo nunu ngaran diti..! :D

l) Kokitanan kunopo diti yo nga, miabal dot sorung, nga okooro yau.Tikid sodop, tikid tadau haaro nopo ot sagalai diti kamang-kamang do id walai dahai..Iti nopo ginambar ku nga kamang-kamang do nokito kud alaid nod  murasai-kurasai hid waig poinsuang dod mimpun,
 Ilo nopo gambar do koduo nga, popokoring yau do talad dau..situlud daa nga, noyopos kanto talad dau om amu dii yau milod tumulud.
-----------------------------------------------------------------------------------------------------

Kolibambang- poindodog !

Kolibambang-mogunda nod tumulud

Kolibambang- suminako dod galam

tuminulud dod hid sirang do walai

Apanat..

Suminako dod palad ku...

 ------------------------------------------------------------------------------------------------------

Gang ak

m) Gangak dot songkosuayo noo..
-----------------------------------------------------------------------------------------------------

Kolibambang

n) Kolibambang dot olumis kopio wotik dau...! Iti nopo gambar nga, binulu tut kud hid tambalut ku..:D
------------------------------------------------------------------------------------------------------

Momorisi do longon dau..!

o) Miabal kanto ot spesis diti nga amu oilaan ku tum nunu pongoroitan dau.!
-----------------------------------------------------------------------------------------

Miabal do sahap kokitanan..

Atahan do poindodog..!

okito mantad tohuri..kosisian ie gia..nohurak talad dau sampaping..

p) Kolibobog dot haro miabal do kikiap dot hid rongus dau..miabal do sahap kokitanan.
--------------------------------------------------------------------------------------------

misasawo do sorow..:D

q) Boyon..tuminombului do mikoruhang do hid dualai dahai..kotumpororosi ot pogogontong diti boyon..osorupai do mongokot no kokitanan..!
--------------------------------------------------------------------------------------------

r) Moniningot, kuyung om tantadan...mogiaahau dot 'terowong ajaib'. Amu oku asanangan dilot moningot..asaru do munggar..maso diolo dot mooi sobu kad komolohingan...modosi okud osingot!
-------------------------------------------------------------------------------------------

miagal do gangot-gangot..

 s)  Hahaha....nokoingis okud nokokito diti eyoo...suai-suai kopio...indos kum gangot-gangot daa..nga songgira do nokogura yau..panangkus okud manganu do tolipaun kud mamagambar..haha..:D

------------------------------------------------------------------------------------------

Sagalai do moniningot

t)   Ohoo...sagalai do moningot tid sorow..iso o nokosuai tu, poingkakat kopio busul dau..haha...

------------------------------------------------------------------------------------------

    Adehhh..hoii..! araat moti pama dot monulis dot momoguna do boros dusun yo hoii...nga sorow poo la..:D.


........naayi.

Kounsikahan kumaa..

1. Tinimungan MBDD ( Minsingilo Boros Do Dusun) hid Fisbuk

    - Pinopoilo nunu 'Serangga' do hid komoi do Dusun..